XMATION DIGITAL YAZINDUA OFISI MPYA, YATOA FURSA KWA VIJANA KUJIFUNZA TEKNOLOJIA

 

Na Mwandishi Wetu.

Kampuni ya Xmation Digital imezindua rasmi ofisi yake mpya na kutangaza mpango mahsusi wa kuwawezesha vijana kujifunza masuala ya teknolojia na ubunifu wa kidijitali, ikiwa ni hatua muhimu katika kukuza ujuzi wa sekta hiyo nchini.

Uzinduzi huo umehudhuriwa na viongozi wa kampuni, waandishi wa habari, wadau wa teknolojia na wageni mbalimbali, ambao kwa pamoja walipongeza juhudi za kampuni hiyo katika kuchochea maendeleo ya kidijitali.

Akizungumza katika hafla hiyo, uongozi wa Xmation Digital ulieleza kuwa uzinduzi huo ni ishara ya dhamira yao ya kuijenga jamii inayotumia teknolojia kwa manufaa ya kijamii na kiuchumi. Viongozi hao walisisitiza kuwa ofisi mpya itakuwa kitovu cha ubunifu, mafunzo na huduma za kisasa zitakazowasaidia vijana na wataalamu kukuza vipaji vyao.

Kupitia ofisi hiyo, kampuni inalenga kutoa mazingira rafiki kwa vijana wanaotaka kujifunza utengenezaji wa maudhui ya kidijitali, ikiwemo ubunifu wa picha, video, uchapishaji wa majarida, vitabu, T-shirt zenye nembo, mabango na bidhaa nyingine nyingi za kibiashara na kijamii.

Viongozi wa kampuni hiyo walitoa shukrani kwa wadau wote waliochangia mafanikio ya hatua hiyo muhimu, wakisema kwamba ushirikiano kutoka kwa washirika, familia, marafiki na jamii kwa ujumla umekuwa msingi wa safari yao ya mafanikio. Aidha, waliwapongeza waandishi wa habari kwa mchango wao mkubwa katika kuifikisha taarifa sahihi kwa jamii.

Xmation Digital imeahidi kuendelea kushirikiana na vijana, taasisi na jamii kwa ujumla katika kujenga mustakabali bora wa teknolojia, ubunifu na uchapishaji nchini, sambamba na kuwa chachu ya mabadiliko katika dunia ya kidijitali.

🚨Full Video Inapatikana Kwenye YOUTUBE Channel Yetu Ya WASHINDI MEDIA.